ക്ലീൻ സ്കൂൾ പദ്ധതി - പഠിപ്പും വെടിപ്പും

ഒക്ടോബർ 15,16 തീയതികളിൽ നടത്തിയ ക്ലീൻ സ്കൂൾ പദ്ധതിയിൽ എല്ലാ വിദ്യാലയങ്ങളും പങ്കെടുക്കുകയും വിവിധ മത്സരങ്ങൾ നടത്തുകയും ചെയ്തു.ക്ലസ്റ്റർ തല വിജയികളെ ബി.ആർ.സി തല മത്സരത്തിൽ പങ്കെടുപ്പിച്ചു.വിജയികൾ ജില്ലാതലത്തിൽ പങ്കെടുത്ത് സമ്മാനം നേടി.

ഗ്ലോബൽ ഹാൻഡ് വാഷ് ഡേ

കൈ കഴുകലിന്റെ പ്രാധാന്യത്തെ കുറിച്ച് അവബോധം നല്കുന്നതിനായി ഒക്ടോബർ 15 നു് എല്ലാ സ്കൂളുകളിലും ഗ്ലോബൽ ഹാൻഡ് വാഷ് ഡേ വിപുലമായി ആഘോഷിച്ചു. ഡോക്ടർമാർ നഴ്സ്മാർ എന്നിവർ ശുചിത്വ ശീലത്തെ കുറിച്ചും കൈ കഴുകലിന്റെ വിവിധ ഘട്ടങ്ങളെ കുറിച്ചും കുട്ടികൾക്ക് ക്ലാസ് നടത്തി.

ചങ്ങമ്പുഴ അനുസ്മരണം

ചങ്ങമ്പുഴ അനുസ്മരണ ദിനത്തോടനുബന്ധിച്ച് ഒക്ടോബർ 10-ആം തീയതി സെന്റ്‌ മേരീസ് യു.പി.എസ് മൂത്തേടത്ത് വച്ച് ചങ്ങമ്പുഴയുടെ ജീവചരിത്രം കുട്ടികൾക്ക് മനസ്സിലാകുന്ന തരത്തിൽ അവതരിപ്പിച്ചു. തുടർന്ന് കുട്ടികൾ തയ്യാറാക്കിയ കവിതകൾ, കുറിപ്പുകൾ, വിവർത്തനങ്ങൾ എന്നിവ ഉൾപ്പെട്ട ഗന്ധർവ്വ ഗായകൻ എന്ന മാഗസിൻ പ്രകാശനം ചെയ്യുകയും ചെയ്തു.

സേവനവാരം

എല്ലാ സ്കുളുകളിലും സേവനവാരം വളരെ കാര്യക്ഷമമായി നടത്തുകയുണ്ടായി. സി.കെ.സി. എൽ.പി.എസ് പൊന്നുരുന്നിയിലെ പ്രവർത്തനങ്ങൾ മാർഗ്ഗമദ്ധ്യേ വീക്ഷിച്ച ജില്ല കളക്ടർ ശ്രീ രാജമാണിക്യം സർ അദ്ധ്യാപകരെയും കുട്ടികളെയും പ്രത്യേകം അനുമോദിച്ചു.